ഇന്ത്യൻ ഭരണഘടനയിലെ ഏത് അനുഛേദമാണ് ദേശീയ അടിയന്തരാവസ്ഥ പ്രഖ്യാപിക്കാൻ അധികാരം നൽകുന്നത്?

ശരിയായ ഉത്തരം അനുച്ഛേദം  352 ആണ്.

Key Points 

• ഇന്ത്യൻ ഭരണഘടനയുടെ അനുച്ഛേദം  352 ദേശീയ അടിയന്തരാവസ്ഥ പ്രഖ്യാപിക്കാൻ രാഷ്ട്രപതിക്ക് അധികാരം നൽകുന്നു.
• യുദ്ധം, വൈദേശിക  ആക്രമണം അല്ലെങ്കിൽ സായുധ കലാപം എന്നിവയുടെ അടിസ്ഥാനത്തിൽ ദേശീയ അടിയന്തരാവസ്ഥ പ്രഖ്യാപിക്കാം.
• ഒരു ദേശീയ അടിയന്തരാവസ്ഥയിൽ, രാജ്യത്തിന്റെ ഫെഡറൽ (സംയുക്ത ഭരണ ) ഘടനയിൽ മാറ്റം വരുത്താൻ കഴിയും, കൂടാതെ കേന്ദ്ര സർക്കാരിന് കൂടുതൽ അധികാരങ്ങൾ ഏറ്റെടുക്കാനും കഴിയും.
• അടിയന്തരാവസ്ഥ പ്രഖ്യാപനം പുറപ്പെടുവിച്ച തീയതി മുതൽ ഒരു മാസത്തിനുള്ളിൽ പാർലമെന്റിന്റെ ഇരുസഭകളും അംഗീകരിക്കണം.
• പാർലമെന്റിന്റെ അംഗീകാരത്തോടെ ഓരോ ആറുമാസത്തിലും ദേശീയ അടിയന്തരാവസ്ഥയുടെ കാലാവധി അനിശ്ചിതമായി നീട്ടാൻ കഴിയും.

Additional Information 

• അനുച്ഛേദം 356
  • ഭരണഘടനാ സംവിധാനങ്ങളുടെ പരാജയം മൂലം സംസ്ഥാനങ്ങളിൽ രാഷ്ട്രപതി ഭരണം ഏർപ്പെടുത്തുന്നതിനെക്കുറിച്ചാണ് അനുച്ഛേദം 356 പ്രതിപാദിക്കുന്നത്.
  • ഈ വ്യവസ്ഥ പ്രകാരം, രാഷ്ട്രപതിക്ക് സംസ്ഥാന സർക്കാരിന്റെ എല്ലാ ചുമതലകളും ഏറ്റെടുക്കാനും സംസ്ഥാന നിയമസഭ പിരിച്ചുവിടാനും കഴിയും.
  • രാഷ്ട്രപതി ഭരണം നിലവിൽ വന്ന് രണ്ട് മാസത്തിനുള്ളിൽ പാർലമെന്റിന്റെ ഇരുസഭകളും അംഗീകരിക്കണം.
  • രാഷ്ട്രപതി ഭരണത്തിന്റെ പരമാവധി കാലയളവ് മൂന്ന് വർഷമാണ്, ഓരോ ആറുമാസത്തിലും പാർലമെന്റിന്റെ അംഗീകാരം ആവശ്യമാണ്.
• അനുച്ഛേദം 360
  • ഇന്ത്യയുടെയോ അതിന്റെ ഏതെങ്കിലും ഭാഗത്തിന്റെയോ സാമ്പത്തിക സ്ഥിരതയ്‌ക്കോ ക്രെഡിറ്റിനോ ഭീഷണി നേരിടുകയാണെങ്കിൽ, രാഷ്ട്രപതിക്ക് സാമ്പത്തിക അടിയന്തരാവസ്ഥ പ്രഖ്യാപിക്കാൻ അനുച്ഛേദം 360 അനുവദിക്കുന്നു.
  • ഒരു സാമ്പത്തിക അടിയന്തരാവസ്ഥയിൽ, കേന്ദ്രത്തിന്റെ നിർവ്വാഹക  അധികാരം ഏതൊരു സംസ്ഥാനത്തോടും സാമ്പത്തിക ഔചിത്യം പാലിക്കാൻ നിർദ്ദേശിക്കുന്നതിലേക്ക് വ്യാപിക്കുന്നു.
  • സുപ്രീം കോടതിയിലെയും ഹൈക്കോടതികളിലെയും ജഡ്ജിമാർ ഉൾപ്പെടെ എല്ലാ സർക്കാർ ഉദ്യോഗസ്ഥരുടെയും ശമ്പളവും അലവൻസുകളും കുറയ്ക്കാൻ കഴിയും.
  • എല്ലാ മണി ബില്ലുകളും മറ്റ് സാമ്പത്തിക ബില്ലുകളും രാഷ്ട്രപതി അംഗീകരിക്കേണ്ടതുണ്ട്.
• അനുച്ഛേദം 368
  • ഭരണഘടന ഭേദഗതി ചെയ്യുന്നതിനുള്ള നടപടിക്രമങ്ങൾ അനുച്ഛേദം  368 ൽ വിവരിച്ചിട്ടുണ്ട്.
  • പാർലമെന്റിന്റെ ഇരുസഭകളും മൊത്തം അംഗങ്ങളുടെ ഭൂരിപക്ഷത്തോടെയും, ഹാജരായി വോട്ട് ചെയ്യുന്ന അംഗങ്ങളുടെ മൂന്നിൽ രണ്ട് ഭൂരിപക്ഷത്തോടെയും ഒരു ബിൽ പാസാക്കേണ്ടതുണ്ട്.
  • ചില ഭേദഗതികൾക്ക് കുറഞ്ഞത് പകുതി സംസ്ഥാനങ്ങളിലെ നിയമസഭകളുടെ അംഗീകാരവും ആവശ്യമാണ്.
  • മാറിക്കൊണ്ടിരിക്കുന്ന ആവശ്യങ്ങളുമായി പൊരുത്തപ്പെടുന്നതിന് ഭരണഘടനയുടെ വഴക്കവും ചലനാത്മകതയും ഈ വകുപ്പ് ഉറപ്പാക്കുന്നു.