विराम चिन्हांचा योग्य पर्याय निवडा. 

उत्तर - सर्वजण बससाठी थांबले होते; पण बस आली नाही. हे योग्य विरामचिन्हे असणारे वाक्य आहे.

वरील वाक्यात दोन छोटी वाक्ये आहेत आणि ती पण या उभयान्वयी अव्ययाने जोडली आहेत. अशी वाक्ये जोडण्यासाठी वाक्यात अर्धविराम (;) वापरतात आणि वाक्याच्या शेवटी पूर्ण विराम असतो.

Important Pointsविरामचिन्हे - आपण जेव्हा बोलतो, संभाषण करतो तेव्हा आपल्याला मधूनमधून थांबावे लागते. या थांबण्याला विराम असे म्हणतात. बोलण्यातील विराम निरनिराळ्या चिन्हांनी दाखवले जातात अशा चिन्हांना विरामचिन्हे म्हणतात. विरामचिन्हांमुळे वाक्य कोठे संपले, कोठे सुरु झाले की अपूर्ण आहे अशा विविध गोष्टी कळतात.

विरामचिन्हे दोन प्रकारची आहेत.

1. विराम दर्शवणारी - पूर्णविराम, अर्धविराम, स्वल्पविराम इ.
2. अर्थबोध करणारी - प्रश्नचिन्ह, उद्गारवाचक चिन्ह

• अर्धविराम [ ; ] - लिखाण करताना वाक्यात ज्या ठिकाणी अधिक विश्रांति घेतली जाते, पण ते वाक्य पूर्ण झालेले नसते. त्या ठिकाणी अर्धविराम हया विराम चिन्हाचा उपयोग केला जातो. उदा. त्याची स्मरणशक्ती चांगली आहे; पण तो अभ्यास करत नाही.
• स्वल्पविराम [ , ] - ज्या वाक्यात अथवा शब्दात अल्प विश्रांति घेतली जाते पण वाक्य पूर्ण झालेले नसते, अशा वाक्यात स्वल्पविराम हया विराम चिन्हाचा उपयोग होतो. नाम, सर्वनाम, क्रियापदे इ. समान जातीचे शब्द एका मागे एक आल्यास, त्या शब्दांच्या मध्ये स्वल्पविरामचा वापर करण्यात येतो, तसेच एकाच प्रकारचे एका पेक्षा अधिक वाक्य क्रमाने आल्यास किंवा एखाद्या नावाचे संबोधन प्रकट करण्यासाठी स्वल्पविरामचा उपयोग केला जातो. उदा. मला कथा, नाटके, कादंबरी आवडतात.
• पूर्णविराम [ . ] - वाचताना किवां बोलताना एखादे वाक्य पूर्ण झाले, ह्या अर्थाने आपण जेथे क्षणभर थांबतो तेथे पूर्णविराम [.] चा उपयोग होतो. कोणतेही वाक्य अथवा परिच्छेद पूर्ण झाले आहे, हे दर्शवणाऱ्या विराम चिन्हाला पूर्णविराम असे म्हणतात. उदा. तो घरी आला.
• प्रश्नचिन्ह [ ? ] - लिखाणात जेव्हा एखादा प्रश्न विचारलेला असतो, तेव्हा त्या प्रश्नाच्या शेवटी [?] प्रश्नचिन्ह वापरतात. हया विराम चिन्हाचा उपयोग प्रत्येक प्रश्नाच्या शेवटी केला जातो. उदा. तू केव्हा येणार आहेस?
• उद्गारवाचक चिन्ह [ ! ] - वाक्यामध्ये असलेली एखाद्या मनुष्याच्या मनातील कोणतीही भावना व त्या भावनेची तीव्रता स्पष्ट दर्शवण्याकरिता उद्गारवाचक चिन्ह [ ! ] वापरण्यात येते. हे विराम चिन्ह त्या भावना व्यक्त करणाऱ्या शब्दाच्या शेवटी देतात. उदा. अरेरे ! तो नापास झाला.

• अपूर्णविराम [:] - एखादे वाक्य पूर्ण झाले असता शेवटी काही तपशील द्यावयाचा असतो, त्या वाक्याच्या शेवटी अपूर्णविराम हे विराम चिन्ह वापरतात. उदा - परीक्षेत पुढील क्रमांकाचे विधार्थी उतीर्ण आहेत: 8,12,19,27,46